返回列表 新主題
作詞:黃霑   
作曲:J.Morali/H.Belolo/V.Willis

我哋世上同行萬里 就似兄弟 快樂同遊共戲
又似好友 冇話成日去分你我他 不分那彼此

我哋好似同船共濟 做個兄弟 冇問題捱義氣
做個好友 確係無謂去分你我他 交個好知己

就當係進入了 YMCA 就當係我哋嚟 YMCA YEH
說話冇乜忌 笑就笑到碌地 暢聚快樂 好喜歡

要當係進入了 YMCA 要當係個個到達 YMCA YEH
有事冇話退避 有難我哋擔起 拍硬檔前去一聲一氣

我哋世上相依相知 變了老友 應份不分彼此
天天在記住 我哋有愛有義你我他 真正好知己

人哋食完嘢反碗底 咁點算死黨 點算好知己
未似我哋 情同手足兄弟 夠義氣真正好知己

就似係進入了 YMCA 就似係我哋嚟 YMCA YEH
說話冇乜忌 笑就笑到碌地 暢聚快樂 好喜歡

就當係進入了 YMCA 要當係進入了 YMCA YEH
有事冇話退避 有難我哋擔起 拍硬檔絕冇多聲多氣

我哋世上同行萬里 就似兄弟 快樂同遊共戲
絕對好友 冇話成日去分你我他 不分那彼此

我哋一於同船共濟 做個兄弟 冇問題捱義氣
絕對好友 確係無謂去分你我他 真正好知己

就當係進入了 YMCA 就當係我哋嚟 YMCA YEH
說話冇乜忌 笑就笑到碌地 暢聚快樂 好喜歡

要當係進入了YMCA 要當係個個到達YMCA YEH
有事冇話退避 有難我哋擔起 拍硬檔前去一聲一氣

YMCA 就當係我哋嚟YMCA YEH



返回列表